|
Mariage
: |
"Devant nous soubzscriptz nottaires jurés et receus en la court ducalle de Guingamp paerye de France, ont comparu en leurs personnes honnorables gens Jacques Guarel et Ysabelle Le Carzer sa compaigne espouxe, icelle Le Carzer de sondict mari deuuement aucthorizée pour l'enthiere execution du contenu en cestes, demeurantz en la parrouesse de Pommerid Jeaudy lesquelz maryés ont cogneu et par cestes cognoissent et advouent, avoir tenir et posseder les terres et herittages cy apres speciffiés, soubz et au fieff proche et lige de nostredite court appartenante a tres hault tres puissant et tres illustre prince monseigneur messire Cesar duc de Vandosme, de Beaufort, de Mercoeur, de Painthievre, Estampes etca, prince d'Anet, de Martigues et pair de France, gouverneur et lieutenant general pour le roy en Bretaigne, a cause de tres haulte tres puissante et tres illustre princesse madame Françoyse de Loraine sa compaigne ducesse et princesse desdits lieux,
Scavoir est les maysons grange escuryes porte aire jardrin et courtil de jouxte, ausquelz lesdits maryés demeurent en ladite parrouesse appellés Penanquer, avecques troys pieces de terre appellées l'une le parc bras, aultre parc bihan et l'aultre piece appellé le parc Yselaff avec leurs apartenances et depandances quelzconques, joignantz et s'entretenantz ensemble, oultre joignent d'un endroict sur le chemin menant du bourg dudit Pommerid a la ville de la Roche Derien, d'autre endroict sur terre que possedde Catherine Huonic veufve Prigent Gouriou soubz le sieur de Keralsi, d'aultre endroict sur terre que possedde a convenant Jacques Omnes soubz le sieur de Vilorfeuvre, laquelle tenue d'herittage est quicte de rante et cheffrante envers ladite seigneurye, et neanltmoigns chargé de dix livres monnoys a Prigent André sieur de Kerverder payables par chacun an a chacun lundy de la grande foyre de Lantreguier et quicte d'autres charges, contenante ladite tenue d'herittage, scavoir le courtil de ladite mayson environ deux journeaux de terre arrable, ledit parc bras un journal et tiers ou environ, ledit parc bihan un journal, et ledit parc Yselaff ausi environ un journal de terre arrable, estant le courtil de ladite mayson sur debvoir de premicze, et lesdites troys pieces de terre sur debvoir de dixme de trante six gerbes l'une lors qu'il y a gaignerye en icelles,
Davantage cognoissent lesdit maryés tenir et a eulx apartenir au proche fieff de nostredite court troys parcelles de terre s'entretenantes ensemble sittuées en la parrouesse de Quemperven estantes en unne piecze appellée maesou kergroas, joignantes oultre sur le chemin menant de Goazhilliec au bourg dudit Quemperven, sur terre du sieur du Bot, sur terre du sieur de Kergus, et sur terre du sieur du Rechou, contenantes lesdites troys parcelles de terre, terre pour semer environ deux bouexeaus froment mesure de la Roche Derien, desur debvoir de dixme de trante six gerbes l'une, lesquelz heritages cy devant specifiés et ambounés sont escheus et advenus audit Jacques Guarel de la succession de deffuncte honnorable femme Marye Le Goff sa mere veufve esté de deffunct Bizien Guarel son pere deceddés puis les trante cincq ans sont.
Item cognoissent lesdits maryés avoir tenir et posseder au fieff de nostredite court, une piece de terre située en ladite parrouesse de Pommerid eu village de Keranguen appellée loguel an mengleuz joignant d'un endroict sur le chemin menant du bourg dudit Pommerid a la lande dudit Keranguen, d'aultre endroict a terre Guillaume Jagu, quicte de rante et cheffrante et sur debvoir de dixme de trante six gerbes l'une, contenante environ tiers journal de terre arrable, laquelle piece de terre est escheue en partage a ladite Ysabelle Le Carzer de la succession de deffunctz Pierre Le Carzer et Margueritte Raoul ses pere et mere deceddés puis les trante sept ans sont ...
le quattorziesme jour de septembre avant midy mil six centz vingt et neuff."
(AD 22 - 1 E 930/1 - Seigneurie de Guingamp)
|
GAREL
Jacques
- 7 592
LE GOFF Marie ( ~ 1540 - ? )
GAREL Louise ( (c) 1599 - 1684 )
GAREL Jacques ( ? - 1660 )
