|
Événement du couple
: |
Noble et puissante Claude de Boyseon dame de Guerrand demanderesse en la court de Guingamp contre monsieur le procureur fiscal en icelle obeisant a l'ordonnance qui luy a esté faicte d'articuler les genealogies et les moiens par lesquels elle pretand estre fondée de succeder a feu escuyer messire Fiacre Le Rouge vivant sieur de Trefurient Dict que feue damoiselle Janne du Pont fille unicque et seulle heritiere d'escuyer Jan du Pont fist deux mariages, le premier avecq escuyer Yvon Toupin, le second avec escuyer Jan Le Rouge sieur de Trefuriant...
De son second mariage avec ledit Jan Le Rouge elle heust un filz nommé Guyon Le Rouge...
Ledit Guyon se maria avec damoiselle Marie Lorans fille de damoiselle Janne de Trovenel dame de Pratangrache et eust de sondit mariage plusieurs enffants entre autres Guyon, François, Gilles, Louys, Claude et ledit messire Fiacre Le Rouge sieur du Pontglas lequel ayant survescut tous sesdits freres et recueilly leurs successions par estre decedés sans enffants est aussy mort sans hoir de sa chair...
Produict l'accord d'entre ledit Guyon Le Rouge d'une part et ladite Françoyse Le Bouteiller d'aultre touchant la succession de ladite Janne du Pont mere dudit Guyon et ayeulle maternelle de ladite Le Bouteiller, en dabte du quinziesme de decembre l'an mil cincq centz traize estant sur parchemin..."
(AD 22 - 2 E 438 - Famille Le Chevoir)
"Extrait du livre des hommages du duché de Penthievre rendus en l'année 1552 sous la seigneurie de Guingamp au folio dix neuf du quel est ecrit ce qui ensuit :
Françoys Le Rouge sieur de Prat an Grathic curateur de nobles homs Guyon Le Rouge sieur de Trebrient ainsin que de ladite curatelle il a apparu, a esté pareillement reçeu par lesdits commissaires en la foy et homaige... et a ledit Françoys Le Rouge pour et au nom dudit Guyon juré porter fidelité et obeir a mondit seigneur comme vassal lige est tenu faire a son seigneur proche, par cause des terres heritaiges et rentes que ledit sieur de Treffbrient tient sous mondit seigneur en ladite seigneurie de Guingamp, a tous debvoirs seigneuriaulx es parroisses de Plestin et Mousteruz luy advenus de la succession d'autre Guyon Le Rouge son pere, et a sondit pere advenus de son patrimoine et succession de Jehan Le Rouge et Jeanne du Pont pere et mere dudit feu sieur de Treffbrient..."
(AD 22 - 1 E 927 - Duché de Penthièvre - Seigneurie de Guingamp)
"Aux homaiges de tres haultz tres puissantz et tres illustres prince et princesse messire Philippes Emanuel de Loraine et dame Marie de Lusenbourg sa compaigne... de presente Fiacre Le Rouge escuier sieur du Pontglas curateur d'escuier Guyon Le Rouge seigneur de Treffriant son frere aisné demeurant audict manoir de Treffbrient parroesse de Plestin lequel cognoit tenir prochement et ligement a debvoir de homaige rachapt vantes chambelaiges et tous aultres debvoirs seigneurieulx soubz lesdicts seigneur et dame duc et duchesse a cause de leur seigneurie de Guingamp deux convenantz sittués en la parroesse de Plestin avecq les cheffrantes deuuz audict sieur de Treffbrient ensemble un aultre convenant sittué en la prevosté dudict Guingamp parroesse de Ploemaugoer le tout suyvant la declaration fournye a feu monsieur le duc d'Etempes par le curateur dudict sieur de Treffbrient a present encore vivant a luy escheuz de la succession feu nobles homs Guyon Le Rouge sieur dudict lieu de Treffbrient...
faict en la ville de Guingamp le quatrieme jour de juillet an mil cinq centz quatre vigntz et trois."
(AD 22 - 1 E 928/2 - Duché de Penthièvre - Seigneurie de Guingamp)
|
LORANS
Marie
LE ROUGE de GUERDAVID Guyon ( ? - ? )
